یوٹیوب نے تخلیق کاروں کے لئے مصنوعی ذہانت سے چلنے والے نئے ٹولز کی رونمائی کردی

 

یوٹیوب نے  مصنوعی ذہانت سے چلنے والے نئے ٹولز کی رونمائی کی ہے تاکہ تخلیق کاروں کو ویڈیوز تیار کرنے اور پلیٹ فارم پر زیادہ سے زیادہ سامعین تک پہنچنے میں مدد مل سکے، کیونکہ کمپنیاں اپنی بنیادی مصنوعات میں براہ راست جنریٹیو اے آئی ٹکنالوجی کو شامل کرنے کی دوڑ میں مصروف ہیں۔

یوٹیوب کے سی ای او نیل موہن نے جمعرات کو کمپنی کے سالانہ میڈ آن یوٹیوب پروڈکٹ ایونٹ کے دوران نامہ نگاروں کو بتایا کہ "ہم ہر کسی کے لئے یہ محسوس کرنا آسان بنانا چاہتے ہیں کہ وہ تخلیق کر سکتے ہیں، اور ہمیں یقین ہے کہ جنریٹیو مصنوعی ذہانت اسے ممکن بنائے گی۔

موہن نے مزید کہا، "مصنوعی ذہانت لوگوں کو مشکل چیزوں کو آسان بنا کر تخلیقی اظہار کی حدود کو آگے بڑھانے کے قابل بنائے گی۔ انہوں نے کہا کہ یوٹیوب ان طاقتور ٹولز کو عوام تک پہنچانے کی کوشش کر رہا ہے۔